احنا مش "بنزين" في الكلام ولا بنغني زي "الأوكتين" الحلوين هناء وشيرين ، الناس مابقاش عندها "طاقه" تستحمل تصريحات وزير البترول الجديد بإن البنزين متوفر بكل أنواعه وفي كل حته ومافيش مشكله ولاحاجه ، بصراحه وبعد ساعتين انتظار في احدي المحطات أحب أقول إن دي حاجه ت"شل" ، المفروض الوزير لازم يكون عنده شوية "وطنيه" ويبدي قدر من "التعاون" ويكون "أسو"ه حسنه لباقي زملائه ويعرض علي الناس صوره "توتال" بأماكن المحطات المتوافر بها البنزين ويدينا "أمارات" علي كلامه ده وياريت يخصص "موبيل" للرد علي شكاوي المواطنين ومايبقاش "مصر" علي رأيه بأن البنزين مرطرط في كل حته وبلاش أل"غاز" تعبتوا الخلق و"تانك" يو فيري ماتش و"كالتكس" سنه وانتم طيبين ده إن "جاز" التعبير
Sent from my BlackBerry® from Vodafone
No comments:
Post a Comment