شارك فى حملة انا عايز رئيس مش اخوان و لا فلول

الموضوع هنا مجرد مناقشات مفتوحة و خطوات يجب اتخاذها فورا 

اولا يا ريت شباب الثورة و كل القوى السياسية تركز على الهدف المهم و هو 

عايزين رئيس مش اخوان و لا فلول

اول نصيحة

الانتخابات لا تتم على الفيس بوك و لا الانترنت 

ربما تفيد مرشحك اكثر لو مشيت معاه او حضر ت مؤتمره الانتخابى او كلمت حد صاحبك او قريبك عنه او عرفتهم حلقة برنامج تليفزيونى مرشحك حيتكلم فيه
ممكن تفيده اكثر من مائة بوست على الفيس بوك او خمسمائة كومنت مالهمش لزمة مع ناس اختارت خلاص
او شير فى الخير و كل الهجس بتاع الفيس بوك لان مستخدمى الانترنت فى مصر 15 فى المائة
و مستخدمى الباشا الفيس بوك 8 % يبقى ايه المطلوب انسوا معارك الوهم على الفيس بوك و انزلوا لأرض الواقع

ثانى نصيحة

حرب المليونيات التى بدأت بمليونية 13- ابريل و ما سيتبعها
لا قيمة لها
و بلاش نتجرجر لمعارك وهمية 

و بعدين مش الاخوان و السلفيين احتفلوا بنجاح الثورة يومى 25 و 28 يناير 2012
 طيب عايزين ايه دلوقتى
مش احنا قلنا الثورة مستمرة
قالوا لنا الثورة نجحت
و لا هى المفروض تنجح من وجهة نظرهم همه بس




عايزين شباب مركز جدا مثلا تكون مندوب فى لجنة
توزع اعلانات
مش عايزين همه يبقوا بيجهزوا علشان يلبسونا مرسى او موسى او شفيق و احنا 

بنحدف طوب
مش عايزين تحديف طوب عايزين ننزل الأرياف فى مسيرات كبيرة مع المرشحين المحترمين
المصريين المرة دى مش عايزين يضيعوا اصواتهم
زى انتخابات مجلس الشعب و الشورى
و المصرى خاصة فى الريف يجب يدى صوته لمرشح حينجح 
و ده اللى حقق للاخوان و السلفيين النجاح المرة اللى فاتت
لاننا كنا كلنا فى الميادين او محمد محمود و همه كانوا بيعملوا مسيرات و بيخطبوا فى المساجد 
مش كل مرة ينضحك علينا

النصيحة الثالثة

خليك جرىء ماتخافش من حد لا متأسلم و لا حد فلول
الفلول مكشوفين و معروفين
لكن المشكلة فى اللى حيخلطوا الدين بالسياسة
اضرب للناس الأمثلة من 
اللى ادعوا الدين و طلعوا كذابين
من اللى دقونهم طويلة ولا يستخدمونها الا فى مصالحهم الشخصية
قل لهم ان سيدنا محمد عليه الصلاة و السلام استعان بخالد ابن الوليد و عمرو ابن العاص فى قيادة جيوش المسلمين بمجرد اسلامهم لكفائتهم يعنى اختار اصحاب الكفاءة مش الللى مش عارفين يتكلموا كلمتين فى مجلس الشعب
احكى على اللى عايزين يحرقوا البلد دلوقتى علشان واحد كاذب مستعر من الجنسية اللى الفاضلة امه جرت وراها
كلموا الناس عن تجارب الدول اللى حكم فيها المتأسلمين زى باكستان و ايران و افغانستان و السودان
و اسألوهم عايز تشوق مصر كده
كلموا الناس عن المنقبة اللى خطفت طفل عمره 3 سنوات النهاردة من مستشفى طهطا فى سوهاج
احكى على الرجل اللى لبس نقاب علشان يتحرش بالسيدات فى الدقى 
و كل الحاجات دى ثابتة بمحاضر و موجودة على الانترنت لو عايز تتأكد
يا ترى هو ده الاسلام اللى المصريين عايزينه
و لا همه عايزنا نبقى شعب من المنافقين

النصيحة الرابعة

كرر : خليها على لساننا كلنا مش عايزين نعيد انتاج الحزب الوطنى تانى
على ايدين الاخوان المسلمين و السلفيين المتحالفين معاهم 
مجلس شعب و شورى
لجنة تأسيسية الدستور
النقابات
اتحادات الطلاب
رئيس الوزراء القادم
و عايزين كمان رئيس الجمهورية
 
    مش لازم يسيطروا على كل حاجة


النصيحة الخامسة
اسأل عن مصادر التمويل
اسأل كل الناس 
حازم ابو اسماعيل جاب الفلوس منين
الحملات الانتخابية للاخوان و السلفيين بتجيب الفلوس منين
لماذا لم تنفق كل هذه الأموال على فقراء المسلمين 
الم يكن ذلك اولى ؟
جايبين فلوسكم منين يا اخوان
لماذا هذه المؤتمرات الكبيرة فى الاستادات
ما هو سر هذه الاتوبيسات التى تحمل مناصريكم من محافظة الى اخرى لحضور مؤتمرات مرسى
مش ممكن توفروا الفلوس دى لمشروع النهضة المزعوم
ما هو الافيد للمسلمين و لمصر محو امية مليون و لا 2 مليون
و لا مؤتمرات مرسى الشاطر الحاشدة


النصيحة السادسة
تكلم عن فشل الاخوان و السلفيين و من شابههم فى المهمة الرئيسية و هى الدعوة

لماذا ترك الاخوان و السلفيين مهمتهم الاساسية و هى الدعوة و انغمسوا فى السياسة
الم يكن احرى بهم ان يبقوا فى المساجد يصنعون الانسان المسلم المحترم 
الذى لا يكذب
يساعدون الفقراء
هل كل البلطجة و الصياعة و القذارة و انعدام الاخلاق التى فى الشوارع الآن
كان من الممكن منعها لو ان الدعاة اقتربوا من الناس  و علموهم دينهم السمح الرائع
ام ان تحكم المرشد و الهيئة الشرعية فى الامور السياسية التى ثبت فشلهم فيه يوم بعد يوم اهم

بص الخبر ده
صحيفة "الديلى ميلى" كبري الصحف الإنجليزية تنشر تقريراً عن مناقشة برلمان الإخوان و السلفيين قانون "مضاجعة الوداع" الذى يتيح للزوج الحق فى مضاجعة زوجته خلال أول 6 ساعات من وفاتها ،،،

الفضيحة أصبحت عالمية

ذكر الناس ان السلفيين و الاخوان كانوا المؤيد الوحيد
لحكومة الجنزورى
و ان هناك اكثر من 19 شاب مصرى قتلوا من اجل منعه من
الوصول الى مجلس الوزراء
و ان هناك فتاة مصرية سحلت و تعرت
و وقتها كانوا مع المجلس العسكرى
و لم يشغلهم دم الشهداء
لماذا يريدون الثورة الآن
لماذا يريدون خلع الجنزورى الآن
لماذا لا يتحدثون عن عجلة الانتاج
لان الأمر تعارض مع مصالحهم الشخصية   


هل نحن فى كل الأحوال تحت أمر المرشد
--- عايز مهندس النهضة : يبقى الشاطر ,
• عايز مرسى : يبقى الاسلام هو الحل ,
• عايز الانتخابات اولا يبقى نعم تدخلك الجنة عايز الدستور الاول يبقى معلش عديها المرة دى.
• مش هيرشح رئيس: يبقى احنا هنكون بالمشاركة ونختار من المرشحين وبالمرة افصل ابو الفتوح ,
• عايز ينزل رئيس : يبقى حفاظا على تحقيق اهداف الثورة ,
• عايز الجنزورى يبقى افضل رئيس وزارة حصل فى مصر (حتى لو فيه ناس ماتت فى مظاهرات ضد رئاسة الجنزورى للوزارة ) ,
• مش عايز الجنزورى : يبقى الجنزورى بيعمل ضد الثورة ومش قادر ينفذ اهدف المرشد ( قصدى الثورة ).
• مش محتاج الثوار : يبقوا عملاء وخونه وعايزين يدمروا البلد وتوقف عجلة الانتاج وعايزين يسقطو هيبة الدولة (المظاهرات كانت ضد حكم العسكر... يسقط حكم العسكر...) و بتمويل خارجى ( على اساس ان تمويل الاخوان والمقر التحفة بتاعهم قانونى ) ونعمل قانون بتجريم المظاهرات.
• لو محتاج الثوار: يقفوا ضدالعسكر( لان الشاطر استبعد من الانتخابات ) يبقى نعمل مظاهرات ضد العسكر و نخليها جمعة المصير.

هل فعلا الاخوان كاذبون
انا لا ادعى على احد كذبا و لكن هل تتذكرون عندما قالوا ان الدكتور مرسى كان من
علماء وكالة ناسا الأمريكية
و عايرونا بأنه ترك مرتب 1500 دولار و ابحاثه فى ناسا من اجل عيون جامعة الزقازيق
مع ان انا عارف ان ده مايجيش مرتب بواب فى وكالة ناسا
و لكن الحقيقة المرة
ان وكالة ناسا لا يعمل بها الا من كان يحمل الجنسية الامريكية لضمان الولاء
فهل الدكتور مرسى يحمل الجنسية الامريكية و هو كذاب فى حكاية حمله اى جنسية اخرى غير المصرية ؟
و لا هو مصرى و لم يعمل ابدا فى وكالة ناسا
ها هو لينك من وكالة ناسا يثبت ان لا احد يعمل فى ناسا غير امريكى
http://nasajobs.nasa.gov/jobs/noncitizens.htm 

انا عن نفسى مش عايز لا رئيس كذاب و لا امريكى و لا عياله امريكان
خاصة اذا كان بيتمسح فى الدين

لا تدع الاخوان و السلفيين فى مصر يربطون انفسهم بالتجربة الناجحة فى تركيا
و انظر معى للفرق بين الصورتين لتعرف من انتخبوا هم و من انتخبنا نحن فى مصر
اضغط هنا لترى الفارق بالصور
مجرد عينة باقى الصور بالرابط اعلاه 
 
  
فى عام 94 خلع الشعب الاندونيسى الديكتاتور سوهارتو بعد حكم 34 عام
نسبة المتأسلمين فى اول انتخابات 84 فى المائة
نسبتهم الحالية بعد 17 عام 13 فى المائة
عايزين تستنوا 17 عام


كلامى موجه الى اخى الاخوانى او السلفى قبل غيرهم راجعوا انفسكم و مواقفكم بهدوء و نحن لا نتجنى على احد و انا لا انكر ان اغلبكم من العموم على هدى و تقوى و صلاح و حسن نية


صور مستندات كذب و خداع مرشح الرئاسة
حازم ابو اسماعين
يبقى الأخلاق و الكفاءة مش مرتبطة خالص انك تكون
مربى دقنك و لابس قفطان قصير
مش اى حد يقولك تكبير تكبير يبقى بيفهم


















 لوفضيحة ابو اسماعين او البلكيمى حصلت
فى اى دولة محترمة كان زمان الاتنين فى السجن 
و احزابهم مغلقة

و فضيحة جديدة نائب سلفى فى سيارة ماتريكس على السريع مع فتاة عارية تماما اضغط هنا  


شاهد بالصور ابراهيم عيسى يسخر من مرشح الاخوان الأستبن
محمد مرسى




 شاهد مواقف بعض الاخوان قبل الثورة من ترشيح جمال مبارك للرئاسة

 شاهد مقالة قوية جدا عن موقف مرشح الاخوان من تنظيم الأسرة


 سفير السعودية يفضح كذب خيرت الشاطر

ميليشيات الاخوان تعتدى على مواطن فى التحرير

شاهد بالصور تعذيب المواطنين على ايدى الاخوان


حملة الاخوان متهمة باستغلال الاطفال للترويج للاستبن

 نواب الاخوان يوافقون على ميزانية وزارة الصحة 


و لكن  كيف نفعلها
كيف سننتصر على من بدخل الدين فى السياسة
كيف سننتصر على من يستعدون لتقديم اكبر رشوة انتخابية 
فى التاريخ
هذا ما سنبدأ فى الحديث عنه قريبا
 
 الموضوع متجدد و كل يوم فيه افكار جديدة ان شاء الله
لغاية ما نحقق هدفنا ان شاء الله
و لو نزلنا و اشتغلنا ما حدش حيقدر علينا

اضغط هنا لموجز و آخر انباء مصر فى كل المجالات و متابعة الأحداث الساخنة