الدقيقة 41 ونص من الحلقة الــ 12 من مسلسل ( طائر الحب ) ... ومشهد رومانسى جديد بين فيفى عبده ( اللى بأكد للمرة المليون انها طالعة بدور كاتبة وأديبة رومانسية اسمها أشجان ) وبين حبيبها كمال أبو رية ( عزمى :D )
ف المشهد دا و مدام فيفى قاعدةعلى مكتبها ف البيت ... بتدخل عليها الشغالة بصينية عليها قهوة ... عشان طبعا تفهمنا انها أديبة بجد وعميقة وبتشرب قهوة أهو زيها زى بقية الأدباء والمفكرين ... المهم مدام فيفى سألت الشغالة عن بنتها فالشغالة قالتلها : ( دا نايمة ) .. فمدام فيفى وهى عمالة تقلب ف الأوراق والدوسيهات ويكأنها بتعرف تقرا قالتلها : ( معقولة نايمة لغاية " دلوقتشى " ) .
فالشغالة قالتلها : ( هتعمل ايه , ما أنتوا امبارح رجعتوا متأخرين أوى ) ... فردت عليها الأديبة أشجان قالتلها : ( اه , دا السهرة امبارح كانت تجنن , من أحلى أيام " حياتشى " <3 ) :D
المهم مشيت الشغالة وقامت بقى مدام فيفى ماسكة فنجان القهوة و خابطاه كله على بؤ واحد تقريبا ... أنا قولت هتتكرع بعده ... بس لقيت الموبايل بتاعها رن ... فقامت فاتحة بؤها جامد معرفش ليه وبعدين راحت مرفعة صوتها وردت قالت : ( ألوووووووو ...صباح النور أعزمى <3 ) ... ومش عارف الاستاذ كمال أبو رية قالها ايه كدا فقامت ردت عليه قالتله وهى مبتسمة فى محن : ( ايه أحبيبى <3 ... معقولة وحشتك الكام ساعة دولم <3 ) .... اه والله قالت " دولم " !!!! :o :o :o
#هااااااااااااار_اسود !
#دولم !!!
#فيه_أديبة_ف_العالم_تقول_دولم !!!
#وعمالين_نعلفك_ف_قهوة_من_الصبح_لجل_تحسى_على_عمقك
#لكن_البعيدة_جبلة! :D
