ده حكم أسرة ولا خوفو ولا خفرع
ولا وجع بطن يتعالج بزيت خروع
عمل مسوجر بعيد عنك ولايطلع
جربنا فيه كل شىء ملقينا شىء ينفع
منفعش بالأدوية جربنا ألف طبيب
ولا بعطارة شيوخ ليهم بلح وزبيب
ولا بجحفل مغولى وضرب بالقباقيب
عمل مسوجر وسفلي شغل تل أبيب
وشغل أمريكا متغلف وخِتْمُه عليه
ضيف زارنا ياعم من غير دعوة لابس بيه
قعد 30 سنة مابيقولش قاعد لية
والنية يديها لابنه النابغة بعديه
ويقول قضا وقدر بين البشر محتوم
قولناله طيب ومين قال للقدر معلوم !
وإيش عرفك يافخمتك بالذي كاين
يامصر هانت وبانت كلها كام يوم
نهارنا نادي ونهار الندل مش باين
Sent from my BlackBerry® wireless handheld
No comments:
Post a Comment