أنا قناعتى تامّة إننا كلنا لازم نبقى مُجتمعين على أن نكون مع الثورة

احمد العسيلى - التحرير
أنا قناعتى تامّة إننا كلنا لازم نبقى مُجتمعين على أن نكون مع الثورة، ونبقى معاها للآخر كمان؛ الثورة ماكانتش سبب ننزل عشانه يوم 11 فبراير السنة اللى فاتت عشان نزمّر ونهيّص زى ما نكون كسبنا كاس العالم، الثورة مشوار طويل، حيخلص لما مصر تتغير، حيخلص لمّا تتعدل، حيخلص لما نبقى كويّسين!
الثورة مش حتخلص برحيل العسكر ولا بكتابة دستور ولا بانتخاب رئيس كما يدّعى بعض المُدّعون، الثورة حتخلص لمّا نبقى عايشين فى وطن مش عزبة يعمل فيها وفى أهلها “صاحبها” ما يشاء